اسلام آباد:دو مرتبہ قومی اسنوکر چیمپئن کا اعزاز اپنے نام کرنے والے محمد بلال 38 برس کی عمر میں اپنے آبائی شہر میں حرکت قلب بند ہونے کے باعث جہان فانی سے کوچ کر گئے۔
گزشتہ رات ان کو اس وقت دل کا دورہ پڑا جب وہ اپنے آبائی شہر منڈی بہاؤالدین میں تھے۔
محمد بلال کا شمار بہترین کھلاڑیوں میں کیا جاتا تھا جو اپنے پورے کیریئر میں کئی قومی، بین الاقوامی تمغے جیتے چکے ہیں۔
محمد بلال نے 2016 اور 2019 میں قومی اسنوکر چیمپئن شپ جیتی تھی اور 2018 میں رنر اپ رہے۔ انہوں نے بین الاقوامی سطح پر بھی اپنی صلاحیتوں کو ثابت کیا۔
محمد بلال نے ایشین اینڈ ورلڈ اسنوکر چیمپئن شپ میں چاندی کے 4 اور 6 کانسی کے تمغے اپنے نام کیے۔ ان کی نماز جنازہ آج نماز ظہر کے بعد ان کے آبائی گاؤں منڈی بہاؤالدین میں ادا کی جائے گی۔
براہ کرم ہمیں فالو اور لائک کریں:
