سابق وزیراعظم عمران خان نے نیب راولپنڈی کے نوٹس پر تحریری جواب دے دیا۔
جواب میں کہا گیا کہ نیب کی طلبی کے نوٹس پر لگائے گئے الزامات بے بنیاد اور من گھڑت ہیں، عمران خان نے نیب نوٹس کو غیر قانونی قرار دیتے ہوئے انکوائری رپورٹ بھی طلب کر لی۔
عمران خان کی جانب سے تحریری جواب میں کہا گیا کہ ریکارڈ کے مطابق کیس میں کوئی کرپٹ پریکٹسز کا ذکر نہیں، انکوائری کو انویسٹیگیشن میں تبدیل کرنے کا مقصد سیاسی انتقام کا نشانہ بنانا ہے،الزامات کے حوالے سے انکوائری رپورٹ تاحال مجھے نہیں دی گئی، انکوائری کے وقت صرف ایک طلبی کا نوٹس موصول ہو۔انہوں نے کہا کہ طلبی کے نوٹس میں انکوائری میں لگائے گئے الزامات کی تفصیلات شامل نہیں تھی،
نیب قانون کے مطابق انکوائری کے وقت ملزم کو دفاع کرنے کیلئے تمام تفصیلات دینا ضروری ہے۔عمران خان نے کہا کہ میری رہائش گاہ پر میری قانونی ٹیم کو انکوائری رپورٹ فراہم کی جائے، نیب کی جانب سے مانگے گئے دستاویزات میرے پاس موجود نہیں۔
