لاہور:نگران وزیراعلی پنجاب محسن نقوی کا کہنا ہے کہ عمران خان کی گرفتاری کے خلاف صوبے میں ہونے والے پرتشدد مظاہروں میں فوجی تنصیبات پر منصوبہ بندی کے تحت حملے کیے گئے۔ پہلے سے طے تھا کہاں کہاں اٹیک کرنا ہے۔ کیسز کو انجام تک پہنچائیں گے۔
لاہور میں پریس کانفرنس کے دوران محسن نقوی کا کہنا تھا کہ سکیورٹی اداروں نے اب تک دو ہزار سے زائد افراد کو گرفتار کر لیا ہے۔ ان کا کہنا تھا کہ کور کمانڈر ہاس کو آگ لگانے والوں نے ہی عسکری ٹاور کو آگ لگائی۔ شواہد موجود ہیں کہ یہ سب منصوبہ بندی سے کیا گیا۔میاںوالی ایئربیس پرجہازوں کوجلانیکامنصوبہ تھا۔
محسن نقوی کا کہنا تھا کہ پی ٹی آئی والوں نے انہی عمارتوں کونشانہ بنایا جوطالبان کی ٹارگٹ رہی ہیں، شرپسندوں میں اکثریت مسلح افراد کی تھی، یہ حملہ پاکستان پرکیا گیا، سب کچھ چھوڑ کراس کومنطقی انجام تک پہنچارہے ہیں۔ ایک ایک شرپسند کوانجام تک پہنچائیں گے۔
انہوں نے کہا کہ شرپسندوں نے سیف سٹی کے کیمروں کوتوڑا، ریکارڈ بھی جلایا، ان کی لسٹوں میں تمام چیزیں موجود تھیں،108 گاڑیاں گاڑیاں جلائی گئیں،23 عمارتوں کونقصان پہنچایاگیا۔ 6 ارب سے زیادہ کا نقصان ہوا، مزید تخمینہ لگارہے ہیں۔
نگراں وزیراعلی پنجاب کا کہنا تھا کہ 9 مئی کو پنجاب میں ہولناک واقعات ہوئے، یاسمین راشدسارے واقعہ کی مرکزی کردارہیں۔ انہوں نے کہا کہ زلمے خلیل زاد کی حیثیت چپڑاسی سیزیادہ نہیں۔
