الیکشن کمیشن نے انتخابات کیلئے 3 لاکھ 53 ہزار اضافی نفری مانگ لی ہے اور کہا ہے کہ پنجاب اور کے پی کے جنرل الیکشن کے لئے 65 ارب کے فنڈز درکار ہوں گے۔
تفصیلات کے مطابق چیف الیکشن کمیشن میں چیف الیکشن کمشنر سکندر سلطان راجاکی زیر صدرات پنجاب اور خیبرپختون خوا میں الیکشن اور سیکیورٹی حوالے سے اجلاس ہوا۔
اجلاس میں سی ٹی ڈی اور احساس اداروں کے حکام بھی شریک ہوئے، جنہوں نے الیکشن کمیشن کو امن وامان اور سیکیورٹی صورتحال کے حوالے سے بریفنگ دی۔
الیکشن کمیشن نے انتخابات کیلئے 3 لاکھ 53 ہزار اضافی نفری مانگ لی، اور الیکشن کمیشن نے انتخابی سکیورٹی سے متعلق آئندہ ہفتے اجلاس بلانے کا فیصلہ کیا ہے۔
اس سے قبل خیبر پختونخوا اور پنجاب کے انتخابات کے حوالے سے الیکشن کمیشن میں اجلاس ہوا، جس میں سیکریٹری خزانہ کو بتایا گیا کہ جنرل الیکشن کے لئے 65 ارب کے فنڈز درکار ہوں گے۔
سیکرٹری خزانہ نے بریفنگ دیتے ہوئے کہا کہ مطلوبہ فنڈز مہیا کرنا وزرات خزانہ کے لئے مشکل ہے، اس سلسلے میں وفاقی حکومت سے مشاورت کرنے کے بعد ہی حتمی جواب دیں گے۔
