معروف شاعر، ادیب اور ڈرامہ نویس امجد اسلام امجد 78 سال کی عمر میں دل کا دورہ پڑنے سے انتقال کرگئے۔
امجد اسلام امجدکے اہل خانہ نے ان کے انتقال کی تصدیق کردی ہے،
اہل خانہ کا کہنا ہے کہ ان کا انتقال دل کا دورہ پڑنے سے ہوا۔
امجد اسلام امجد 4 اگست 1944 کو لاہور میں پیدا ہوئے،
انھوں نے 1967 میں پنجاب یونیورسٹی سے ایم اے (اردو)کیا، 1968 تا 1975 ایم اے او کالج لاہور کے شعبہ اردو میں استاد رہے اور
اگست 1975 میں امجد اسلام امجد کو پنجاب آرٹ کونسل کا ڈپٹی ڈائریکٹر مقرر کیاگیا۔
90کی دہائی میں امجداسلام امجدکی خدمات دوبارہ محکمہ تعلیم کیسپردکی گئی اور
وہ دوبارہ ایم اے او کالج میں ہی شعبہ تدریس سے منسلک ہو گئے۔
امجد اسلام امجد کے مشہور ڈرامے اور شعری مجموعہ
امجد اسلام امجد نے شاعر، ڈرامہ نگار اور نقاد کی حیثیت سے شہرت حاصل کی
ان کے مشہور ڈراموں میں وارث ،دن اور فشار شامل ہیں،
امجداسلام امجد کا شعری مجموعہ برزخ اورجدیدعربی نظموں کیتراجم عکس کینام سے شائع ہوئے مزید برآں افریقی شعراکی نظموں کا ترجمہ کالے لوگوں کی روشن نظمیں کے نام سے شائع ہوا۔
امجد اسلام امجد کو ستارہ امتیاز، صدارتی تمغہ حسن کارکردگی سمیت کئی ایوارڈ سے نوازاگیا ۔
