لاہور:گورنر پنجاب محمد بلیغ الرحمن سے پاکستان مسلم لیگ کے سربراہ چودھری شجاعت حسین کے صاحبزادے شافع حسین نے ملاقات کی جس میں تعلیم سمیت ملک کی سیاسی اور معاشی صورتحال پر گفتگوہوئی ۔ ملاقات میں پشاور پولیس لائنز مسجد خودکش دھماکے کی مذمت کی گئی اور کہا کہ دہشتگردوں کا کوئی مذہب نہیں ہوتا، ہم سب کو ملکر دہشتگردی کا مقابلہ کرنا چاہیے۔ گورنر پنجاب نے کہا کہ جمہوری اقدار کے فروغ اور آئین کی بالادستی سے ہی ملک کی ترقی ممکن ہے، تعلیمی شعبے میں آئی ٹی اور ٹیکنکل ایجوکیشن کا فروغ وقت کی ضرورت ہے،وفاقی حکومت نے تعلیمی اداروں میں فنی تعلیم کے فروغ کے لیے موثر اقدامات کیے ہیں۔ گورنر پنجاب نے کہا کہ بطور چانسلر اکیڈیمیہ اور انڈسٹری کے درمیان روابط مضبوط کرنے کے لیے کنسورشیم بنایا ہے ۔چودھری شافع حسین نے کہا کہ ملک میں معیشت کو مستحکم کرنے کے لیے سیاسی استحکام بہت ضروری ہے۔
