پاکستان مسلم لیگ کے مرکزی صدر و سابق وزیراعظم چوہدری شجاعت حسین نے صحافیوں سے گفتگو کرتے ہوئے کہا کہ مہنگائی کی وجہ مختلف لیڈران کے بیانات ہیں ۔لیڈران چاہے حکومت میں شامل ہیں یا اپوزیشن میں سب بیانات پر بیانات دے رہے ہیں ۔ جس سے تاجران ڈر کر قیمتوں کو اوپر نیچے کر رہے ہیں ۔
بیانات دیتے وقت اس بات کو مدنظر رکھنا چاہیے کہ اس سے تاجران اور عوام پر کیا اثرات مرتب ہوتے ہیں ۔
انہوں نے کہا کہ عمران خان کو بھی بیانات دیتے وقت یہ سوچنا چاہیے کہ ان کے بیان سے تاجر برادری میں تفشیش کی لہر پائی جاتی ہے ۔
عمران خان الیکشن کے بیان یا ڈیمانڈ سے پہلے ملک کی معاشی صورتحال بہتر بنانے کے لیے اپنا کردار اداکریں۔
چوہدری شجاعت حسین نے کہا ہے کہ الیکشن ہو جانے سے مہنگائی کم نہیں ہو گی ۔ اس وقت ملک کا سب سے بڑا مسلہ معاشیات کی بحالی ہے ۔ جس پر تمام لیڈران کو جامع پالیسی مرتب دے کر اس مسئلے کو فلفور حل کرنا چاہیے ۔
