PK Press

کپتان کا سرپرائز،ن لیگ کی بڑی وکٹ گرادی

سابق وزیر برائے برائے مذہبی امور اور پاکستان مسلم لیگ ن کے مرکزی رہنما پیر محمد امین الحسنات نے پاکستان تحریک انصاف میں شمولیت اختیار کرلی۔
اس موقع پر پریس کانفرنس کرتے ہوئے پی ٹی آئی رہنما شاہ محمود قریشی کا کہنا تھا کہ پیر امین الحسنات سے روحانی رشتہ ہے۔
پی ٹی آئی کے سیکریٹری جنرل اسد عمر نے امین الحسنات کو پارٹی میں خوش آمدید کہتے ہوئے کہا کہ پیر حسنات کی شمولیت سے پی ٹی آئی مضبوط ہوگی۔
رہنما تحریک انصاف فواد چودھری نے پی ٹی آئی میں شمولیت پر پیر حسنات کا شکریہ ادا کیا اور کہا کہ عمران خان کی اسلام کیلئے خدمات سب کے سامنے ہیں، ان کی رگ رگ میں عشق رسول ۖ کا فلسفہ ہے۔
فواد چودھری کا کہنا تھا کہ پنجاب میں ن لیگ کا صفایا ہوگیا، رہی سہی کسر آج پوری ہوگئی، پیر حسنات کے مشورے سے علاقے کی سیاست کو عروج ملے گا۔
انہوں نے اسپیکر قومی اسمبلی کے حوالے سے طنزیہ کہا کہ راجہ پرویزاشرف نے اپنے کمرے میں سرنگ بنائی ہوئی ہے، جب بھی ہم جاتے ہیں وہ سرنگ سے باہر نکل جاتے ہیں۔
اس موقع پر پیر امین الحسنات کا کہنا تھا کہ شاہ محمود سے میری محبت کا رشتہ بہت پرانا ہے، آپ ہمارے خاندان کے سربراہ ہیں، ہم اپنا دل آپ کے راستے میں بچھاتے ہیں۔
پیر حسنات نے کہا کہ فواد چوہدری اس سارے عمل میں برابر کے شریک ہیں۔

براہ کرم ہمیں فالو اور لائک کریں:

پڑھنے کے پچھلے

چین دنیا کے لیے اچھی خبر یں لے کر آیا ہے، اقوام متحدہ کی سینئر اہلکار

پڑھنے کے اگلے

اعظم خان نگران وزیراعلی خیبر پختونخوا تعینات

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے