PK Press

کھانے سے قبل چند بادام چبانے کا یہ فائدہ جانتے ہیں؟

ایک نئی طبی تحقیق میں سامنے آئی ہے کہ صبح، دوپہر اور رات کو کھانے سے 30 منٹ قبل چند بادام کھانے سے بلڈ شوگر کی سطح کو کنٹرول کرنے میں مدد ملتی ہے۔
تحقیق میں بتایا گیا کہ پہلے ناشتے پھر دوپہر اور رات کے کھانے سے 30 منٹ قبل 20 گرام (مجموعی طور پر 60 گرام) بادام کھانے سے غذا کے بعد بڑھنے والی بلڈ شوگر کی سطح کو 20 فیصد تک کم رکھنے میں مدد ملتی ہے۔
محققین نے بتایا کہ ہم نے طویل عرصے تک کھانے سے قبل چند بادام کھانے سے جسم پر مرتب اثرات کی جانچ پڑتال کی تھی۔
انہوں نے کہا کہ بیشتر افراد کھانے کے بعد بلڈ شوگر کی سطح میں ہونے والے اضافے کو نظرانداز کردیتے ہیں، حالانکہ موجودہ عہد میں ایسی غذا کا استعمال زیادہ ہوتا ہے جس کے نتیجے میں کھانے کے بعد بلڈ شوگر کی سطح تیزی سے بڑھتی ہے۔
انہوں نے کہا کہ بیشتر افراد کو علم ہی نہیں کہ کھانے کے بعد بلڈ شوگر کی سطح میں اضافہ ذیابیطس ٹائپ 2 سے متاثر ہونے کی اولین نشانی ہے۔
ان کا کہنا تھا کہ اگر ہم بلڈ شوگر کی سطح کو کنٹرول نہ کریں تو وقت گزرنے کے ساتھ ذیابیطس ٹائپ 2 کے عارضے کے شکار ہوجاتے ہیں۔
محققین نے بتایا کہ ہر کھانے سے قبل چند بادام کھانے سے نا صرف ذیابیطس ٹائپ 2 سے متاثر ہونے کا خطرہ کم ہوتا ہے بلکہ ذیابیطس کے مریضوں میں اس بیماری کی پیچیدگیوں کی روک تھام بھی ممکن ہے۔
تحقیق میں خالی پیٹ باداموں کے استعمال سے کھانے کے 2 گھنٹے بعد بھی بلڈ شوگر کی سطح میں 20 فیصد تک کمی ریکارڈ کی گئی۔
تحقیق کے دوران لوگوں کا جائزہ 3 ماہ تک لیا گیا تھا اور دریافت ہوا کہ بادام کھانے سے بلڈ شوگر کی سطح پر مرتب ہونے والے مثبت اثرات طویل المعیاد ہوتے ہیں۔
محققین نے بتایا کہ اس عادت کے نتیجے میں خون میں چکنائی اور ورم کی سطح میں بھی کمی آتی ہے۔
اس تحقیق کے نتائج یورپین جرنل آف کلینیکل نیوٹریشن اور کلینیکل نیوٹریشن ESPEN میں شائع ہوئے۔

براہ کرم ہمیں فالو اور لائک کریں:

پڑھنے کے پچھلے

ٹوئٹر کی نئی پالیسی کا اعلان ، اب بلیو ٹک سبسکرپشن کی فیس کتنی ہوگی؟

پڑھنے کے اگلے

مسلسل اضافے کے بعد سونے کی قیمت میں کمی

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے