PK Press

آئی ایل ٹی 20 میں یواے ای کھلاڑیوں کا چناؤ، ٹرائل جاری

ilt20

دبئی
جیسے جیسے آئی ایل ٹی 20 کا انعقاد قریب آرہا ہے تیاریوں میں اضافہ ہورہا ہے۔ آئی ایل ٹی 20 نے گزشتہ دنوں یواے ای کےکھلاڑیوں کے لئے رجسٹریشن شروع کرنے کا اعلان کیا تھا۔ ٹورنامنٹ کے لئے یواے ای سے تعلق رکھنے والے کھلاڑیوں کے ٹرائل جاری ہیں۔ فرنچائز ٹیم ڈیزرٹ وائپرز نے اکتوبر میں ٹرائلز کا انعقاد کیا تھا وائپرز کے ڈائریکٹر آف کرکٹ اور سابق آسٹریلوی آل راؤنڈر ٹام موڈی نے ٹیم میں جگہ بنانے سے قبل کھلاڑیوں سے بات چیت کی۔ انہوں نے کہا کہ ہمیں وائپرز اسکواڈ کے لئے متحدہ عرب امارات کے 4 کھلاڑیوں کو چننا ہے جن میں 2 ابتدائی 11 کھلاڑیوں میں شامل ہوں گے۔ اس لئے درست انتخاب کرنا ہے۔ آئی ایل ٹی 20 میں شامل دیگر ٹیمیں بھی کچھ ایسا ہی ارادہ رکھتی ہیں۔ تاکہ باصلاحیت کھلاڑیوں کو تلاش کرکے انہیں مساوی مواقع فراہم کریں۔ فرنچائز ٹیم دبئی کپیٹلز اپنے کھلاڑیوں کے چناؤ کا پہلا دور شروع کرچکی ہے۔ اس کی آن گراؤنڈ رجسٹریشن 8 نومبر کو ختم ہوچکی ہے۔
آئی ایل ٹی 20 نے یواے ای کے کھلاڑیوں کے پورٹل کا اجراء گزشتہ ہفتے کیا تھا ۔ ٹیموں میں اب 24 کھلاڑیوں کی جگہ رہ گئی ہے جس کے لئے مقابلہ سخت ہیں ٹیم میں منتخب ہونے کے لئے آئی سی سی اور ایمریٹس کرکٹ بورڈ دنوں کی کڑی شرائط پر پورا اترنا ضروری ہے۔

براہ کرم ہمیں فالو اور لائک کریں:

پڑھنے کے پچھلے

عوام کیلئے خوشخبری ،وزیراعظم کی جانب سے بڑا اعلان

پڑھنے کے اگلے

مفکر پاکستان علامہ اقبال کا 143واں یوم پیدائش

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے