کرسمس پارٹی کے تنازعہ کے بعد برطانوی وزیراعظم بورس جانسن کو کورونا لاک ڈاون کی خلاف ورزی پر ایک اور سکینڈل کا سامنا ہے۔غیر ملکی میڈیا کے مطابق کورونا قوانین کی خلاف ورزی کرتے ہوئے وزیراعظم ہاوس میں تقریب منعقد کی گئی جس میں درجنوں اعلیٰ حکام شریک ہوئے، جس کی تحقیق پولیس کر رہی ہے۔پولیس کے مطابق یہ تقریب مئی 2020 میں منعقد ہوئی جب حکومت کی جانب سے اجتماع پر پابندی عائد کی گئی تھی۔اس سے پہلے گزشتہ ماہ 10 ڈاننگ سٹریٹ میں کرسمس 2020 کی پارٹی کا اسکینڈل بھی منظر عام پر آیا تھا۔ تاہم وزیراعظم بورس جانسن نے لاعلمی کا اظہار کرتے ہوئے کہا ہے کہ عالمی وبا کے دوران 10 ڈاننگ سٹریٹ نے کسی قسم کے قواعد کی خلاف ورزی نہیں کی ہے۔اس پارٹی سے متعلق بھیجی گئی ای میل میں حکومتی عہدیدار مارٹن رینولڈز نے لکھا تھا کہ انتہائی مصروف عرصے کے بعد اس خوبصورت موسم میں 10 ڈاننگ سٹریٹ کے لان میں سماجی فاصلہ رکھتے ہوئے مشروبات کا اہتمام کریں۔
