PK Press

چین کی جانب سے پاکستان کو سیلاب سے نمٹنے کےلیے ہر ممکن امداد کی فراہمی

چینی وزارت خارجہ کے ترجمان وانگ وین بین نے کہا ہے کہ چین کو پاکستان میں سیلاب کے باعث نقصانات پر گہری تشویش ہے۔چین نے فوری طور پر ردعمل ظاہر کیا اور سیلاب سے نمٹنے کےلیے پاکستان کو امداد فراہم کرنے کی ہر ممکن کوشش کی ہے۔ اگلے مرحلے میں چین پاکستان کی ضروریات کے مطابق مزید امداد فراہم کرے گا۔

جمعہ کے روز چینی میڈ یا کے مطا بق ترجمان وانگ وین بین نے یومیہ میڈیا بریفنگ میں چین کے عملی اقدامات سے متعارف کرواتے ہوئے کہا کہ چین کی جانب سے ہنگامی نقد امداد فراہم کی گئی ہے ، امدادی خیموں کی پہلی کھیپ چینی فضائیہ کےطیارے کے ذریعے پاکستان پہنچ چکی ہے جبکہ بقیہ سامان بھی جلد از جلد آفت زدہ علاقے تک پہنچایا جائے گا۔چین کی بین الاقوامی ترقیاتی تعاون تنظیم نے پاکستان کے ساتھ مل کر” ایمرجنسی ڈیزاسٹر ریلیف فالو اپ کو آپریشن” کے نفاذ کے لیے ایک مشترکہ ورکنگ گروپ قائم کیا ہے۔
ترجمان نے اعتماد ظاہر کیا کہ پاکستانی عوام جلد از جلد سیلاب پر قابو پا لیں گے اور چین اور پاکستان کی دوستی یقیناً مزید مضبوط ہو گی۔
اطلاعات کے مطابق پاکستانی وزیر اعظم شہباز شریف نے حال ہی میں کہا کہ پاکستان سیلاب سے متعلق امدادی سامان فراہم کرنے پر چین کا مشکور ہے۔ پاکستان میں شدید بارشوں اور سیلاب کی وجہ سے 1,136 افراد جاں بحق اور 33.04 ملین سے زیادہ متاثر ہوئے ہیں۔

براہ کرم ہمیں فالو اور لائک کریں:

پڑھنے کے پچھلے

وزیراعظم کا 300 یونٹ تک فیول ایڈجسٹمنٹ چارجزختم کرنے کا اعلان

پڑھنے کے اگلے

چینی اداروں کی جانب سے صوبہ بلوچستان کے سیلاب متاثرین کے لیے امداد کی فراہمی

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔