PK Press

چینی باشندوں کی سکیورٹی پر کوئی سمجھوتہ نہیں کیا جائےگا،وزیراعظم

shehbaz sharif

اسلام آباد(مانیٹرنگ ڈیسک )وزیراعظم شہباز شریف نے کہا ہے کہ چینی باشندوں کی سکیورٹی پر کوئی سمجھوتا نہیں ہوگا، چین کی ویکسین کمپنی کی جانب سے پاکستان میں سرمایہ کاری کی پیش کش کا خیر مقدم کرتے ہیں۔تفصیلات کے مطابق وزیراعظم شہباز شریف کی صدارت میں چینی شہریوں کی سیکیورٹی سے متعلق اجلاس ہوا، جس میں وزیر داخلہ رانا ثناء اللہ، احسن اقبال و دیگر نے شرکت کی۔ اجلاس میں سی پیک منصوبوں پر کام کرنے والے چینی باشندوں کی سیکیورٹی سخت کرنے کا فیصلہ کیا گیا۔

 

 

وزیراعظم کا کہنا تھا کہ چینی باشندوں کی سکیورٹی پر کوئی سمجھوتا نہیں ہوگا، وزارت داخلہ اور سکیورٹی ادارے فول پروف سیکیورٹی کو یقینی بنائیں۔دوسری جانب وزیرِ اعظم شہباز شریف سے سائنو ویک کے وفد نے بھی ملاقات کی اور وزیرِاعظم کو ویکسینیشن مہم کے دوران سائنو ویک کی فراہمی پر بریفنگ دی۔ کمپنی نے پاکستان میں بیماریوں کی تشخیص، بچاؤ اور علاج میں سرمایہ کاری پر دلچسپی کا اظہار کیا، جس پر وزیراعظم نے چینی کمپنی کی طرف سے سرمایہ کاری کی اس پیشکش کا خیر مقدم کرتے ہوئے کہا کہ حکومت سرمایہ کاری کے لیے ہر قسم کا تعاون فراہم کرے گی۔وزیراعظم نے وفاقی وزیرِ صحت کو معاملہ پر ایک ٹاسک فورس بنانے اور فوری کام کرنے کی ہدایت کی تاکہ منصوبے پر کام شروع کر سکے۔ ان کا کہنا تھا کہ ملک میں براہِ راست بیرونی سرمایہ کاری بڑھانا حکومت کی اولین ترجیح ہے، پاکستان کورونا کے دوران چینی تعاون کو قدر کی نگاہ سے دیکھتا ہے۔

یہ بھی پڑھیں:قوم کا ایک ایک پیسہ بچانا بطور حکومت ہمارا فرض ہے،وزیر اعظم

https://pkpress.net/2022/05/16/pm-5/

 

براہ کرم ہمیں فالو اور لائک کریں:

پڑھنے کے پچھلے

بھیڑیے کی منفردصفات جان کر آپ بھی حیران رہ جائیں گے

پڑھنے کے اگلے

صدر مملکت ڈاکٹر عارف علوی نے سینیٹ کا اجلاس طلب کر لیا

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔