وزیراعظم عمران خان آج اسلام آباد میں نیا پاکستان قومی صحت کارڈ کا اجراکریں گے، صحت کارڈ سے گھرانوں کو 10 لاکھ تک صحت کی سہولتیں حاصل ہوں گی۔تفصیلات کے مطابق وزیراعظم عمران خان آج بدھ کو اسلام آباد میں نیا پاکستان قومی صحت کارڈ کا اجرا کریں گے ، کارڈ سے ایک خاندان کو10 لاکھ روپے تک کی صحت کی سہولتیں میسرہوں گی۔اسلام آباد، پنجاب، آزاد کشمیر، گلگت بلتستان، تھرپارکر کے گھرانے مستفید ہوسکیں گے ، کارڈپرنہ صرف سرکاری بلکہ پینل پرنجی اسپتالوں میں بھی علاج کی سہولت ہوگی۔وزیراعظم نیا پاکستان قومی صحت کارڈ اجرا کی تقریب سے خطاب بھی کریں گے۔خیال رہے قومی صحت کارڈ مندرجہ ذیل بیماریوں کی صورت میں مفت علاج کی سہولت فراہم کرتا ہے۔دوسری جانب پاکستان تحریک انصاف کے رہنما سینیٹر فیصل جاوید نے سماجی رابطوں کی ویب سائٹ ٹوئٹر پر اسلام آباد کے شہریوں کو مبارکباد دیتے ہوئے کہا کہ مبارک اسلام آباد صحت کارڈ سب کے لیے،یونیورسل ہیلتھ کیورج عمران خان حکومت کی سب سے بڑی کامیابی ہے-انہوں نے کہا کہ امریکہ جیسے ملک بھی لوگوں کو یہ سہولت نہ دے سکے-پورے خیبر پختونخوا کے بعد اب پنجاب، آزاد کشمیر، گلگت بلتستان، بلوچستان اورتھرپارکر کے ہر خاندان کو10لاکھ تک مفت علاج کی سہولت میسر ہوگی۔
وزیراعظم عمران خان آج اسلام آباد کی 100 فیصد آبادی کے لیے صحت انصاف کارڈ کا افتتاح کریں گے یہ ہے ریاست مدینہ کے تصور کی حقیقت جو وزیراعظم نے پیش کیا 10 لاکھ روپےتک کی سالانہ ہیلتھ انشورنس ایک بڑا اقدام ہےیہ سہولت بیشتر ترقی یافتہ ممالک کی عوام کو بھی میسر نہیں#صحت_کارڈ_سب_کیلیے pic.twitter.com/cLWQV7L9Vd
— Ali Awan (@AliAwanPTI) January 26, 2022
