PK Press

فرانس میں کورونا نے تباہی مچا دی 

کورونا وائرس کا خطرناک وار دنیا بھر میں جاری ہے، فرانس میں پہلی مرتبہ 24 گھنٹے میں 5 لاکھ سے زائد کورونا کیسز رپورٹ ہوئے جبکہ 364 اموات رپورٹ ہوئیں جس کے بعد مجموعی اموات کی تعداد ایک لاکھ 29 ہزار 386 ہو گئی ہیں۔بین الاقوامی میڈیا کے مطابق فرانس میں اس وقت کسی بھی بڑے یورپی ملک میں روزانہ انفیکشن کی سب سے زیادہ شرح ریکارڈ کر رہا ہے، پچھلے ہفتے کے دوران اوسطا ً تین لاکھ 60 ہزار سے زیادہ ہے۔سرکاری اعداد و شمار کے مطابق فرانس بھر میں 30 ہزار سے زائد افراد کورونا وائرس کی وجہ سے اسپتالوں میں زیر علاج ہیں، جو نومبر 2020 سے کورونا سے بیمار ہونے کی سب سے بڑی تعداد ہے۔فرانس میں اب کورونا وائرس کی منفی رپورٹ دکھانا لازمی نہیں ہو گی، اگر آپ کو تفریحی مقامات میں جانا ہیتو ویکسین کی دونوں ڈوز لگوانے کا ثبوت دینا ہوگا۔فرانس کی 77 فیصد سے زیادہ آبادی کو کوویڈ ویکسین کے دو شاٹس دئیے جا چکے ہیں۔فرانس موجودہ لہر سے کس طرح ابھرتا ہے اسے اپریل کے صدارتی انتخابات میں اہم سمجھا جارہا ہے، جس میں صدر ایمانوئل میکرون کے انتخاب میں حصہ لینے کی بڑے پیمانے پر توقع کی جارہی ہے تاہم انہوں نے ابھی تک اپنی امیدواری کا اعلان نہیں کیا ہے۔

براہ کرم ہمیں فالو اور لائک کریں:

پڑھنے کے پچھلے

اسلام آباد کے شہریوں کیلئے اچھی خبر،وزیراعظم آج بڑا اعلان کریں گے

پڑھنے کے اگلے

ریٹائرمنٹ کے اعلان پر پچھتاوا ہو رہا ہے،ثانیہ مرزا

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔