پاکستانی نژاد امریکی خاتون وجیہہ سواتی قتل کیس میں اہم پیش رفت

اسلام آباد،پاکستانی نژاد امریکی خاتون وجیہہ سواتی قتل کیس میں مشتبہ ملزم قمر علی شاہ کو مقدمہ سے ڈسچارج کر دیاگیا،وکیل نے دائر درخواست ضمانت واپس لے لی۔مشکوک ملزم قمر علی شاہ کی درخواست ضمانت کی سماعت ایڈیشنل سیشن جج صاحبزادہ نقیب شہزاد نے کی،سماعت کے دوران راولپنڈی پولیس کی جانب سے تفتیشی آفیسر نے عدالت کو آگاہ کیا کہ مقدمہ میں مرکزی ملزم سمیت تمام ہمراہی ملزمان گرفتار ہو چکے ہیں،مرکزی ملزم نے اعتراف جرم کرلیا ہے،مشکوک ملزم قمر علی شاہ اب پولیس کو تفتیش کے لئے مطلوب نہیں،اسلئے عدالت قمر علی شاہ کو مقدمہ سے ڈسچارج کر دے،جس پر عدالت نے قمرعلی شاہ کو مقدمہ سے ڈسچارج کر دیا،عدالتی حکم کے بعد ملزم کے وکیل نے گزشتہ ماہ سے دائر درخواست ضمانت بھی واپس لے لی۔

براہ کرم ہمیں فالو اور لائک کریں: