PK Press

لاہور آلودگی کی دوڑ میں دنیا بھر میں پہلے نمبر پر آ گیا

smog in lahore

smog in lahore

لاہور آلودگی کی دوڑ میں ایک بار پھر آج دنیا بھر میں سرفہرست ہے، کراچی چھٹے نمبر پر آ گیا۔ شہری مختلف بیماریوں میں مبتلا ہونے لگے۔تفصیلات کے مطابق صوبائی دارالحکومت لاہور آلودگی کی دوڑ میں پہلے نمبر پرہے، شہر کا مجموعی ائیر کوالٹی انڈیکس 321 ریکارڈ کیا گیا ہے۔ ڈیوس روڈ میں سب سے زیادہ آلودگی 592 اے کیو آئی، گلبرگ 421 ،کوٹ لکھپت 415 اے کیو آئی ریکارڈ کیا گیا۔ ڈی ایچ اے 390، ایڈن کاٹیجز 402 اور بحریہ ٹان میں 398 اے کیو آئی سامنے آیا ہے۔ علامہ اقبال ٹاون میں 414 اور انارکلی 414 اے کیو آئی ریکارڈ کیا گیا۔ شہر میں کم سے کم درجہ حرارت 8 ڈگری سینٹی گریڈ ریکارڈ کیا گیا ہے، محکمہ موسمیات کے مطابق زیادہ سے زیادہ درجہ حرارت 23 تک جانے کے امکانات ہیں۔ پاکستان کا سب سے بڑا شہر کراچی دنیا بھر میں 6واں آلودہ ترین شہر ہے جس کا اے آئی کیو168 ریکارڈ کیا گیا۔دوسری جانب صبح سویرے دھند بھی اپنا اثر دکھا تی رہی۔ پنجاب اور خیبرپختونخوا کے مختلف علاقوں میں دھند کے باعث موٹروے کو مختلف مقامات پر بند کر دیا گیا، دیگر شاہراہوں پر بھی ٹریفک کی روانی متاثر ہوئی۔

براہ کرم ہمیں فالو اور لائک کریں:

پڑھنے کے پچھلے

یونیورسٹی آف صوابی میں سپورٹس گالہ کی اختتامی تقریب کا انعقاد

پڑھنے کے اگلے

 نئی پراپرٹی ویلیو ایشن سے 45انڈسٹریز متاثرہوں گی،اکرم فرید

ایک جواب دیں چھوڑ دو

آپ کا ای میل ایڈریس شائع نہیں کیا جائے گا۔